Grønt, friskt og fritt

Grøn Liste synes Universitetet i Oslo har mange bra kvalitetar. I det heile er norske studentar svært privilegerte samanlikna med det ein ser andre stader i verda. Likevel er også vårt studentdemokrati viktig. Studentparlamentet må kjenne besøkstida si når sentrale politikarar vil gå til åtak på forskingsfridom og studentrettar. Universitetet skal vera uavhengig av kommersielle interesser, og studentane sine tillitsvalte må stå på barrikadene for eit nådelaust vern av gratisprinsippet.

Innimellom dei store slaga, må studentdemokratiet også bry seg om dei små og nære ting. Når det ikkje finst utveklingsavtalar anna enn til USA og Europa på ditt program, når alle lesesalane er opptekne for eksamensavvikling og når forelesingssalen er iskald, er det ei sak for tillitsvalde. Av andre små, men viktige saker, som Grøn Liste vil jobbe for, kan ein nevne meir økologisk mat i kantinene, billegare frukt og gratis kondomar på fakultetspubbane.

Snart er det val til studentparlamentet. Mange kjempar om stemma di, kanskje kan det vera ein ide å prøve eit heilt nytt alternativ? Om du og har lyst på eit grønt, friskt og fritt universitet, stem gjerne Grøn Liste!