; "RUTINAR MOT RUS: I Studentenes Hus har ein satt inn rutinar for å handtere narkotikaproblemet.")
RUTINAR MOT RUS: I Studentenes Hus har ein satt inn rutinar for å handtere narkotikaproblemet.
FOTO: Robin Røkke Johansen
Studentutestader slit med dop:
Narkotika florerer på studentarrangement
Chateau Neuf og Studentenes Hus opplever stadig tilfelle av narkotikabruk. Politiet har kjent til det lenge, men får ikkje bukt med problemet.
; "IKKJE UROA: Leiaren i Det Norske Studentersamfund, Fredrik Kvåle Dørum, oppfattar ikkje at dopbruk er eit stort problem ved Chateau Neuf.")
IKKJE UROA: Leiaren i Det Norske Studentersamfund, Fredrik Kvåle Dørum, oppfattar ikkje at dopbruk er eit stort problem ved Chateau Neuf.
FOTO: Damir Cvetojevic
- Det føregår ein del bruk av dop her, ja. Og det går mest i kokain, sidan det blir sett på som rikmannsdop og statussymbol, seier «Alex» og «Lars» under eit Hed Kandi-arrangement fredag 20. april på Studentes hus i Nydalen.
Dei ønskjer ikkje å stå fram med namn.
Snorre Storevik, prosjektleiar på Studentenes Hus, stadfestar at det er dop på utestaden til BI-studentane.
- Det ville vera naivt å tru noko anna, seier han.
Han meiner det er vanskeleg å seia kor stort omfanget er, men utelukkar ikkje at det kan vera snakk om kvart einaste arrangement.
- Det er absolutt ikkje greitt, men det bør ikkje overraske nokon at det er slik, med omsyn til kor stort omfanget av dop er i denne byen, seier Storevik.
Ser etter dopteikn
Vaktsjef på Studentenes Hus, Sondre Antonsen, fortel at det vart gjort beslag under fadderveka i fjor haust.
- Etter at ein mann gjekk til åtak på dama si, vart politiet kopla inn, og mannen vedgjekk at han var rusa og hadde hatt «noko småtteri» på seg, seier han.
Studentenes Hus har ein del rutinar for å handtere narkotikaproblemet, til dømes blir doane patruljert og ein ser etter typiske kjenneteikn, som at folk drikk mykje vatn. Politiet blir varsla når ein finn noko mistenkeleg.
- For det meste har vi eit godt samarbeid med politiet, men det har vore vanskeleg å få narkotikaspanarar til å koma hit. Dei dukkar opp tilfeldig, ikkje når vi ber om det, seier Antonsen.
Vaktsjefen kan også fortelja at da Studentenes Hus starta opp i august 2005, var det tilfelle av langarar som heng i stroket, som prøvde å få selt dop til studentane.
- Men det fekk vi slutt på, sannsynlegvis på grunn av betre synleggjering av vakthaldet vårt. Vi har også hatt møte med leiinga ved BI, sidan dei hadde høyrt ryke om dette, og ville vite korleis stoa var.
Stadig beslag
Også Chateau Neuf, som blir drive av Det Norske Studentersamfund (DNS), har hatt tilfelle med bruk og beslag av narkotika. Det kan Geir Ellefsen, fungerande politioverbetjent ved Majorstua politikammer, stadfeste.
- Vi veit at vaktene deira har funne ein god del narkotika på folk før dei kjem inn på arrangementa. I tillegg kjem det jamt meldingar derifrå, både for bruk og for å ha stoffet på seg, seier Ellefsen.
- Har de hatt nokon form for sanksjonar mot uteplassane?
- Som oftast går det på personane det gjeld. Men det er høve til å ilengje utestadane sanksjonar, alt ifrå bøter til stenging. Chateau Neuf har ikkje vorte straffa, sidan det meste er take på utsida. Kva som skal til for at ein uteplass blir take er ei juridisk skjønsspørsmål som varierer frå sak til sak.
Ellefsen meiner også at dei tilsette ved Chateau Neuf har takla dette bra. Dei har nekta folk inngang dersom det blir funne noko på dei. Men han presiserer at det uansett er vanskeleg å finne ut om folk er dopa.
- Korleis løyser de dopproblematikken?
- Vi forsøker å ha politifolk til å vere på arrangement på Chateau Neuf, men det er ikkje alltid muleg på grunn av ressursmangel. Vi har også andre tiltak, men akkurat kva vi gjer og korleis dette skjer, vil eg ikkje gå i detaljar på med omsyn til kartlegginga av bruken.
- Ikke eit problem
Formand ved DNS, Fredrik Kvåle Dørum, seier han kjenner til episodar med narkotikabruk på Chateau Neuf, men oppfattar ikkje at dette er eit stort problem.
- Vakthaldet er godt, og vi er flinke til å takle dei konkrete situasjonane når dei oppstår.
- Har dykk andre tiltak utover dette?
- Nei, fordi omfanget er såpass lite.
- Men politiet har sagt at de har funnet ei god del narkotika, og at det jamt og trutt kjem meldingar frå dykk?
- Dei beslaga som blir gjort, skjer først og fremst utanfor døra. Dermed blir det ikkje eit problem for arrangementa inne på Chateau Neuf, meiner Dørum.
8 kommentarer
dette er den største ikke-saken Universitas har kjørt på lenge. Kort oppsummert forteller den deg følgende: dop brukes av unge (sjokk!) Unge er på Chateau Neuf (veldig stort sjokk!!). Chateau Neuf stenger ute folk som blir tatt med dop (sjokkerende at Neuf drives akkurat som alle andre seriøse utesteder i Oslo!!!) Universitas har tenkt "dop + DNS/Studenthuset= SKUP!!!" (sjokkerende at semesterpengene mine går til dette...)
Hmm, jeg er ikke sjokkert mr. sjokkmann, da universitas liker å ta skandale-tilnærmingen på saker.
Du kan trøste deg om at semesterpengene dine også går til RadioNova - som også leverer tipp topp nyheter - oppdateres hver dag. Sjekk ut: link for daglig oppdaterte studentnyheter. (og aldri skandalepregete nyheter - det klarer de å spare seg for)
koz og klemz
Samfundslars
helt enig- novanyheter er langt bedre enn tassen sine:-)
sjokkmann: du høres ut som en grepa kar.
Så litt egenreklame:
Hvis folk har lyst til å gjøre Studentersamfudnet enda bedre trenger vi fortsatt mange flere frivillige nede hos oss. Sjekk ut link eller send en epost til medlemskap@studentersamfundet.no så kan vi finne noe som interesserer hvem som helst!
journalisten er ifølge wikipedia oppvokst i Valdres, så det er kanskje ikke så rart at beslag i fjorårets fadderuke blir "dop florerer"? universitas burde tatt en kveldsekskursjon til sentrum, så hadde vi kanskje sluppet slike meningsløse oppslag.
det er gått nedover med universitetets skandaleblekke, men ennå flauere er at Aftenposten klipper og limer fra denne saken blottet for kildekritikk.
(samfundslars og sjokkmann, takk for tipset om novanyheter)
sikkert flere som vil engasjere seg hvis dere slutter å oppføre dere som en folkehøyskole der folk sitter i ring på puterommet og stryker hverandre på armene....
Dessuten ligger jo halve huset i dunkelt mørke...jeg vil være ute og sparke ball eller se på tv. Hverken tv eller ball på Neuf
sparke ball inne på nøff? Samtidig som det er TV'er der? Ai-ai-ai...
Samsaya: Det er en grunn til at det ikke er TV i fojaeen lengre :P
Hvis du heller vil se på TV skal du få lov til det - det er ikke det som er poenget mitt i denne tråden. Poenget mitt var at novanyheter.no leverer bedre og raskere nyheter en universtitas, og at vi hele tiden tar imot folk som har lyst til å gjøre hva som helst på Studentersamfundet. Det gjelder kanskje folk som er lei av å sitte å se på TV hver kveld, og ikke har noen å spille fotball med.
Angående puterom og armstryking trur jeg du (forhåpentligvis og desverre) har et litt feilaktig bilde av hva som fåregår på huset.
Link: www.studentersamfundet.no/jobb
