Universitetet i Oslo - endeleg eit universitet for alle?
Ved fleire høve der ein har fått eksamensoppgåvene på nynorsk, har språket vore so dårleg, at studentane har måtta lesa bokmålsversjonen for å skjøna spørsmålsstillinga
Studentmållaget i Oslo er glade for signala om å styrkja nynorskbruken ved UiO. Det
gjeld både lovnaden om at alle eksamenar skal koma på nynorsk, og lovnaden om å heva
nynorskkompetansen mellom dei tilsette.
Tidlegare har mange nynorsksskrivande studentar kjend seg pressa til til å ta
eksamen på bokmål. Ved fleire høve der ein har fått eksamensoppgåvene på nynorsk,
har språket vore so dårleg, at studentane har måtta lesa bokmålsversjonen for å
skjøna spørsmålsstillinga.
Når no studiekatalogen i tillegg er på nynorsk, og UiO lovar meir nynorsk både på nettet og i trykt materiell, vil vonleg studentkvardagen verte både enklare og
betre.
