Fotojournalistikkstudentane ved HiOA har lært å laga reportasjar i Sør-Asia. Resulatet er blitt til prosjektet «What about…»

BURMA: I Burma har folket kjempet i over 50 år mot et brutalt militærregime, et regime det nesten har vært umulig å opponere mot. I opprøret i 1988 ble over 3000 mennesker drept, mange av dem munker og studenter. Flere munker ble sendt i fengsel, og det er noen av disse fotografen har møtt. Munkene ble fengslet på nytt i 2007, og tilbrakte fem år i fengsel. Men 2012 er en ny tid for Burma. Regjeringen satte de politiske fangene løs, og Nobelprisvinner Aung San Suu Kyi (bildet) vant et sete i parlamentet. FOTO: Kyrre Lien

UNGDOM: Ungdomsgenerasjonen utgjør over halvparten av Indias svimlende 1,2 milliarder innbyggere. Denne generasjonen vil forme ny kultur og arbeidskraft i årene som kommer. De unge er rastløse, de ønsker å reise, se nye ting, utfordre normene for landet sitt og tilpasse seg verden. Hva tenker de om sin egen framtid? Denne reportasjen følger noen av Indias unge. FOTO: Alexander Worren

FJELLFOLKET: Tre dagers marsj fra nærmeste vei, ved foten av Himalaya, ligger landsbyen Hongon. Dette er hjemmet til Bhote-folket. Landsbyen er isolert og er ennå ikke påvirket av den massive fjellturismen som foregår lenger vest. Bare for noen få år siden ble nasjonalparken åpnet for alle. Området er preget av fattigdom og lav utvikling -- ingen elektrisitet, dårlig skolegang og total mangel på helsetjenester. FOTO: Sindre Thoresen Lønnes

– Det har vore veldig mykje arbeid, men me har òg lært mykje, særleg om organisering og om redigering av bilete. Me tek veldig mange bilete, og må jobba mykje med å velja ut dei riktige bileta i rett rekkjefølgje, seier Brian Cliff Olguin, avgangsstudent i fotojournalistikk ved Høgskolen i Oslo og Akershus (HiOA), og tidlegare Universitas-fotograf.
Internasjonal reportasje har vore temaet til fotojournalistikkstudentane dette semesteret. Først var studentane gjennom eit forkurs der dei sette seg inn i landa dei skulle reisa til, og sidan gjennomførte eit lengre reportasjeprosjekt i Sør-Asia.

Dagsaktuell tematikk

Studentane som reiste til Burma arbeidde spesielt med resultata av demokratiseringsprosessen som har gått føre seg i landet i den seinare tid.

– Eg fylgde ei gruppe munkar som hadde site fengsla lenge, og som hadde vorte frigjevne rundt ein månad før eg kom, fortel Kyrre Lien, ein av studentane som reiste til Burma.

Temaet vart brått svært aktuelt då det vart klart at den burmesiske opposisjonsleiaren Aung San Suu Kyi vitjar Noreg frå 15. til 18. juni. Ho vart tildelt Nobels Fredspris i 1991, men sat då i husarrest, og vil difor halda nobelføredraget sitt no, 21 år etter.

– Eg ville gjerne fotografera Aung San Suu Kyi òg, og sette meg difor på ein nattbuss til byen Madalay, der det største møtet i valkampen fann stad. Det tok ti timar, og så var møtet, som alt anna i Burma, forseinka. Hundre tusen menneske hadde møtt opp, og kortesjen hennar kom ikkje fram, så eg måtte venta i fem timar til, forteller Lien.
Fotostudenten fekk til slutt teke biletet, og fotostudentane vil no gjerne visa fram arbeida sine til kvinna som i fleire tiår har vore frontfigur i frigjeringskampen i Burma. Dei har vore i kontakt med både Geir Lundestad, direktør ved Nobelinstituttet, og Oslosenteret for fred og menneskerettigheter, som har hatt mykje kontakt med Suu Kyi, for å invitera henne til utstillinga.

– Men eg tvilar på at det går, det er mange som vil ha tak i henne når ho no kjem til Noreg, seier Lien.

God arbeidslivstrening

Per Anders Rosenkvist, faglærar ved fotojournalistutdanninga og ansvarleg for prosjektet, trekkjer fram at årets fotostudentar er dei første som gjennomfører gruppeeksamen. Studentane har jobba i tre grupper, som kvar har hatt ansvar for å presentera prosjektet som heilskap anten gjennom utstilling, på nett eller i bokform.
– Dei har jobba hardt, og fått reell arbeidslivstrening gjennom arbeid både individuelt og i grupper. Dei har òg lært å handtera dei økonomiske sidene ved eit slikt prosjekt, og det å skriva søknadar om stønad, seier Rosenkvist.
Han legg til at dette er sider ved fotografyrket, og særleg frilansing, som mange tidlegare studentar kjem attende og spør han om. Han er difor nøgd med at dette no er kome betre inn i undervisinga.